豬流感的一點數字

袁國勇話：如果疫症的死亡率維持在大約0.1%，而每一百萬注射過疫苗的人，會有大約10人出現癱瘓等嚴重副作用。

即係冇打針的死亡率就0.1%
打左針的死亡率就0.001%
相差100倍

條數係咪咁呢？係咪應該加埋感染率呀？人地中左招計先計死亡率，咁冇中招d人呢？但那個0.001%就計哂所有打左針的人。
舉個例，有2組各100人，A組有打針，B組冇打針。
假設A組有2個感染豬流感死左，個死亡率就係2%；
又假設B組有10個感染豬流感，有2個死左，個死亡率就係20%；
咁係咪B組的死亡率就高A組10倍呢？明眼人就看出，A、B兩組都只不過係死左2個人！

好喇，睇番香港，至2009年尾，約35,000人中左，其中死左55人，咁個死亡率是0.157%，好接近袁國勇個說法。
但若加上感染率，即全港7,000,000人，中左35,000，感染率啫係0.5%啦

咁個全港死亡率就係0.157% x 0.5% = 0.000786%
比打左針的0.001%還要低呀大佬！
(但要說明呢個0.000786%死亡率還在增加中)

因為歐洲聯盟衛生機關講過，新流感可能感染全球一半人，即感染率係50%
我就用呢個最壞的感染率，黎計一計個全港死亡率：
0.157% x 50% = 0.0786%
咁大單都係1000個人都死唔到1個人。

最後，調番轉黎睇，99.9%(100-0.1%)冇事、99.92%(100-0.0786%)冇事、99.999%(100-0.001%)冇事、以至於99.99921%(100-0.000786%)冇事，查實對一個Layman黎講，根本就係一樣，都係大到(或細到)ignorable，再加上一般會存在著僥倖心理，總括左結論就係，我中招而死真係微乎其微，我又何需除褲放屁，多此一舉？

精算師&油井雜工

2010-01-07
【明報專訊】2010年做什麽工作最好？美國一項研究指出，精算師收入高、壓力小、前景好，位列美國2010年好工首位；而最差的工作，則是在油井工作的雜工。

薪高壓力小 前景亮麗

美國就業網站CareerCast.com，就壓力、薪金、體力要求、工作環境和就業前景等方面，分析了北美地區200種職業，列出最好和最差工作榜。結果顯示，分析投資機會與風險的精算師，高踞最好工榜首。分析說，這份工年薪約8.5萬美元（66萬港元），毋須太多體力勞動，壓力小，工作環境和就業前景都很好，是2010年最理想的工作。排第2至第5的好工分別是軟件工程師、電腦系統分析員、生物學家和歷史學家。

至於最差工作，油井雜工排名第一，其次分別是伐木工人、製鐵工人、奶農和焊工。該網站出版人李生先說，這些最差工作，無論何種惡劣天氣都要在戶外工作，待遇低而且有危險。尤其是石油鑽井工，平均年薪3.1萬美元（約24萬港元），失業風險高且工作前景差。李先生建議，若想轉好工，可以考慮重返學校進修。

路透社

這講的是美國，可反映美國高薪一族同勞動基層的薪金差距。比例為2.74:1。
不記得在哪裏看過，一個合理公義的社會，高層的薪金比基層的薪金多3倍就已很富足。

現在看看香港，香港的精算師可得65k月薪(http://www.careertimes.com.hk/english/centre/salary/salarydetail.asp?industryid=004)；如做個財務總監可得100k月薪(http://www.careertimes.com.hk/english/centre/salary/salarydetail.asp?industryid=003)。

因為香港冇油井亦冇油井雜工，我姑且用清潔工人代之。
從勞工處網站得知，清潔工人大約有4k-8k月薪，

我當有個精算師好屎，得果50k人工。我又當有個清潔工好叻，有10k月薪，咁個香港精算師同香港清潔工人的月薪比例是5:1。

如果我用最兩極，精算師100k同清潔工4k，咁個月薪比例就係25:1！
而用CareerCast.com中最兩極的職業的人工比較，其比例是300118:17057，都係17.59:1咋！

大佬呀，呢d咪係貧窮懸殊囉！問題出係邊？問題唔係憎人富貴，問題係勞動基層人工太低呀！香港商人治港，肥上瘦下，充滿剝削，政府又傾斜大財團重金融地產輕實業科技。
做人老闆，出錢請人自然想平靚正，但都要有d道義，要諗下呢份工夠唔夠人衣食住行先得架！

新紮師姐扮女生擒毒販 17歲K仔拆家囚32月

師姐可以扮中三咁厲害？

事後，基新中學個校長可能受到d家長壓力，話警方嚮左佢朵，影響校譽。我唔係話警方冇錯，但清者自清，簡簡單單澄清下間學校內冇人吸毒咪得(不過都要查過先知，我覺得有的機會大過冇囉)，而且間學校咁幫手打擊罪案，校譽仲好啦。但而家個校長走出黎話好後悔幫警方云云。下？咁啫係好後悔打擊罪案？我一聽，就覺得呢個校長先係個影響校譽既根源(又或者係背後的家長)。作為道德純潔地的學校，竟不企在打擊罪案一方，而致力於沽名釣譽，咁呢間嘢唔好叫基新中學啦，叫基新學店啦。

【明報專訊】樣貌娟好的年輕新紮師姐，奉命扮成中三學生，混入新界北區一中學打擊青少年濫藥問題，行動中36人被捕，23人來自該中學。其中一名K仔拆家昨於區域法院認罪，被判入獄2年8個月。

混入粉嶺區中學

任職貨倉工的被告黃俊杰（17歲）承認3項販運危險藥物罪，法官陳廣池指本港濫用氯胺酮（俗稱K仔）的情嚴重，不法分子往往利用沒有前科的無知年輕人犯案。陳官更要求黃在庭上向父母朗讀他們所撰的求情信，其間他聲音微顫，到庭支持的雙親和女友更熱淚盈眶。陳官又告誡他日後好好做人，莫再辜負父母關愛。

負責案件的新界北總區刑事總部反三合會行動組高級督察殷晃偉庭外指出，過往沒有前科的17歲年輕人在事件中因販毒而被判長期監禁，呼籲青少年遠離毒品。

辯方求情指出，被告非常顧家，中三學後投身社會，大部分收入用作家用，惜入世未深，誤交損友，養成濫藥惡習。辯方續稱，涉案K仔藥片市價約為4000多元，但被告每賣出一粒只分得5元，而被捕後他亦向警方供出上層拆家。

被告的父母亦親撰求情信，指兒子渴望有幸福家庭，惟夫婦工作繁忙，缺乏管教，他為減輕家庭負擔鋌而走險，當裝修工的黃父承諾兒子出獄後會向他傳授技藝，讓他重新做人。

同學介紹認識拆家

案情透露，今年4月初，剛從警校畢業的女警奉命混入粉嶺區中華基督教會基新中學假扮中三女生，至同年7月11日，她在3名女生介紹下認識當拆家的被告，相約在嘉福鸷交收毒品，3名女生把籌得的130元交予被告，換來2片K仔藥片，女警目睹3女服用藥片，她則暗中把藥片藏起作證物。至7月16日，女警再相約被告在上址交易，購下5片K仔藥片，其後警方採取行動，在被告的工場內拘捕他，並在其嘉福鸷單位搜出65片藥片，內含9.37克氯胺酮。

28.6.2009 赤柬

7點起身，先去皇宮附近的餐廳，食過早餐，再入皇宮，我著背心，售票員話唔入得，惟有買件T-shirt。

皇宮沒什麼特別，都是一些柬式建築，有d文物，個銀塔一d都唔銀，還以為是石屎做。

行左2粒鐘，坐Tuk Tuk去監獄Munsum，看得令人心寒與心痛，身為專業的救護員，點落得手去折磨人？

又行左2粒鐘，好多文字，不太夠時間看。行返去Spring GH，行左20mins右左便到，收捨，Check-out，Reception話我張20蚊紙爛，唔收，一係收手續費，又唔扣Desposit，可怒也，唔老實。

之後去隔離之漁人碼頭食星米，跟住便坐Tuk Tuk 去機場。

兩點半左右ARA，飛機Delay左一個鐘，5點半先入閘，去到KK都已經2030，食埋?，Old Town快餐，去Tune Hotel安頓。嘩，間房細到丫，約8′x8′+Restroom，仲要是Double Bed，早休吧，明天回港

小計：
早餐：8
皇宮：6.25*2
T-shirt：2
Tuk Tuk：1
監獄munsum：2
Lunch：3+4+1.5=8.5
Tuk Tuk to Airport：4
Old Town Dinner: 19.6

27.6.2009 金邊

7點起身，0730食老早，8點幾車先到，以為坐這車直去PP，原來是要轉車，8點9左右開車，停過2個地方，我過了一個類似熱狗的東西放進口裡，成3點才到PP

下車，再坐Tuk Tuk去Spring，安頓好再出去，行去National Mumsum，路經車仔面檔，便坐下整返碗。

National Mumsum看過，$3個還可以，跟住去河邊坐坐，之後慢步搵嘢食，食完便回。

小計：
熱狗：1
Tuk Tuk :1
Cold Drink: 1800
面：5000
National Mumsum: 6
Dinner: 12.2

26.6.2009 單車

約好了老闆的親信司機，當地時間0500出車去Angkor Wat看日出，與高山日出不同，另有一種味道，但點解個太陽唔係正東，係東北，唔通我的指南針有問題或是這地方的磁場有咩特別之處？

坐Tuk Tuk回去GH食老早，休息一下，0900再起行，今日走大圈：Kravan->Banteay Kdei & Sra Sang-> Eastern Meborn食lunch，食到1400再踩，Ta Som -> Preah Neak Pean。

Kravan：

Banteay Kdei & Sra Sang：皇家浴場，有個聾啞人士同我地搭訕，但不明所以。留言買左10隻竹手鐲都係USD$1。又飲下汽水，又同個靚仔影相。

Eastern Meborn：冇水的東池，食Lunch，都係果d面，但冇乜鑊氣。又見到那個聾啞人士，好奇怪，不知?來頭，以為想我地請佢做導遊，又唔似，佢仲送左2幅佢畫的畫給我，我地回敬返兩個香港coin俾佢。

Ta Som:

最後是Preah Neak Pean劍聖寺:有幾個美國來的考察團，跟佢地行左一陣，下?。好彩之後停左，一直踏返出去Angkor Wat, 正是日落時分，天氣很好，今日上巴肯山應該看到日落的，可惜呢。返回到Angkor Wat前，坐左一陣，看下天邊的一?餘輝。我同留言講，這個地方，可能一世都唔會再黎，要好好珍惜，好好欣賞，好好感受，好好記住。

其間飲左2 can cole。

返出去SP, 又去Pub Street食，$11，d蝦梅的！回到GH，問老闆Bun Kao咩意思，佢話係自己個名……

明天就離開了找數，全部$58包2張車票，有d博蒙之嫌，計我2日單車錢？！明明送一日嘛！

買手信，係d手鐲仔，$1 10隻。我買左d信封+簿：4.7，見佢係慈善組織，貴d都算。回去時走錯路，嚇死留言。

小計：
早車：5
Lunch: 3
Cole: 4000
Dinner: 11
GH+Bus Ticket: 58
手信：1+4.7

25.6.2009 Tuk Tuk

一早0700起身食老早，想早D出門放昨天定好行程的的士司機，因為我覺得佢好唔老實，笑裡藏刀。但佢早到，走唔切，咁我地就扮哂?話出去買D?，再走去問外面d Tuk Tuk司機，看上去那個司機都幾老實，$27成交。
坐Tuk Tuk其實幾舒服，有d生風吹下，一d都唔熱。

先去ks，ks要行1500m的山路，不難行，並遇上一個香港人，但沒太多交流。去到終點，看水中浮雕，以為地方好大，有好多浮雕，可惜是相反。停留了不太耐，便下山，食d嘢休息下先。又係d炒面。

再去bs(女王宮)，天氣實在太熱，又整返兩can可樂先。bs手工精細，真是一絕，但真係唔知文化背景，唔識睇。

跟住再去preperp。

然後是Ta Prohom，那處是特別，到處都是老樹盤根的生在古寺之上。

差唔時間，來到巴肯山睇日落。只行15mins便上了山，邊個話要行4粒鐘？！好彩冇騎象，騎一騎要成USD25。1700到了山頂，一直等，雖然已經5點幾，但仲好熱。等了又等。可惜多雲，看不到日落便回。

叫司機車我地去Bar Street，可以食貴d食好d，但可能停力短缺，始終是落後國家，坐坐下停了電跳左灰屎，開返燈但冇開風扇。?係幾好食，但好熱，難為隔離?的一群西人仲玩得咁開心。原說行路返去，但留言謝謝地，還是坐Tuk Tuk回去，休息，明天看日出。

小計：
Tuk Tuk: 27
Cole x 2: 4000
Lunch: 4
Dinner: 8.5
Tuk Tuk: 1

24.6.2009 吳哥

0300起身坐的士趕去機場坐Skybus，困然滿街也是的士。凌晨關係，巴士0405起跑，0515便到了機場。先Check-in，再去MarryBrown食老早。當時時間0503到了Siem Reap(有一個小時時差)，好特別的一個機場，唔似一個貧窮小國。落機，做visa；網上說做visa要俾黑錢通融下，但沒有這事。我同留言2張visa要USD$40，我俾張百元大鈔都不算過份，但他們將那張銀紙驗屍咁驗，又唔肯收，又問我有冇第2張，我當然死都話冇啦，話全部都係100紙，咁佢都吹我唔脹。出得機場，原來是有GH的人接的，後來才知道是他們搞錯了時間，以為是PM！使我浪費了$7坐的士，咁我就同老闆講，free我地一日單車啦。

個的士司機係咁sale行程，我不以為然，但留言就理佢，到了GH，仲死纏爛打，勉強答應了$40的行程。
租了單車，出去食個Lunch先，看Lonely Planet介紹，附近有間嘢好似幾好，但去到原來冇人，燈都未開，是旦啦，點了兩個炒飯，胡亂吃了算，趕緊入吳哥。

開始踩單車入Angkor約1230，踏左15mins，有人截停了我們，原來已經到了Ticket Office，這個時段冇人，俾錢、影相、做證，很快做妥。再踩多15mins便到了吳可之南面，留言已經嘩嘩聲。ok，一日遊開始(Angkor Wat->Bayon->皇宮->Victory Gate->回SP)，先去Angkor Wat，正值正午時間，哂到丫，又熱又焗，感覺到有點熱衰竭；留言哂到面都紅哂，我都熱衰竭，我擔心佢頂唔順呀，惟有慢慢行。Angkor Wat好大，行左好耐，出來時買左罐可樂解暑急叉。狀態好好多。

跟著去巴戎寺Bayon，古時有53座塔，塔上有不同造型的4面佛面，但現時只剩返廿幾座。

跟著來到皇宮，已經很破爛，都是四處走走。

回航路上，經過東邊的Victory Gate勝利門，很宏偉的一個城門，與中國的很不一樣。天開始黑了，一股惱兒的踩返去SP，吳哥路、蟬鳴、日落，踩得很享受。

返到SP已1930，根據地圖，找了一會，去到Central Market大排檔食1蚊碟的Needle，又平又夠鑊氣又好食，食完面，去對面的便利店買雪糕食，都幾貴，可能是舶來品。跟住踩返GH休息。
回到GH，諗諗下唔多順氣，明天早D起身，放個的士司機飛機。

留言被騙記：佢在Angkor Wat入口對面買了左支水，但佢講我知用左20000！唔係化，返去理論，小販當然唔認，我有證據都吹佢唔脹，冇符。留言真係蠢，身在異域，一D危機感都冇，的士司機係咁，買支水都係咁。完全冇求生技能+冇Common Sense，又易信人，唉，點搞呀！係小吳哥買左支1.5L水+Cole$1.5。Bayon休息時又整左罐可樂(4000 for 2 Cole)

小計：
Skybus: 9*2
Breakfast: 6.8+8.3
Visa: 20*2
Taxi: 7
Lunch: 10
3 days Ticket: 40*2
Drink: 1.5+4000
Dinner: 3
買雪糕: 11500

23.6.2009 扶貧

0918左右出動，1010左右到了機場。嘩，第一次見到留言個男友Alex俊，收收埋埋呀下。我地先去Terminal 2 check-in。留言未食老早，T2好荒蕪，冇嘢食，只好走返去T1。時間都差不多，入左閘留言先買外賣粥食，去到登機閘口，悠然坐下食粥，看著同機的人上機上得七七八八，但留言還未食完，只好打包，上機再食。

我倆入閘後，閘門馬上關了，我們是最後兩個入閘。

坐到去KL已是1503，拾埋行李出到去已經4點，KL有幾款鐵路，我地坐的不是地鐵，而是坐Monotail。去到sentral站，見到旁邊有間GH，似是印度人開的，上去看看，一來房間除左一張床外，乜都冇，二來房間有陣味，唔得。那便按原定計劃，去找Bedz GH。

到達 已6點，房間很不錯，乾淨安全有冷氣。放下行李後，行去Twin Tower看一下，太晚了，已經不能上去。而且肚餓了，留言話在這食嘢，但沒什麼選擇，食Burdger King，都好飽。之後再到周圍看看便回。返到Bedz附近，好似很旺的樣子，而且看到又有串燒食，便嘗下，叫了5串牛5串羊+2杯桔仔水。

留言冇帶Conditioner，過去Bedz對面7仔買。

回到Bedz前，有班西人飲得大大地，叫我地一齊同佢影相，三唔識七，港人一定唔會咁做。

早睡早起，明天早機。

小計：
Aerobus: 8×2=16
Burdger King: 10.9×2
串燒+桔仔水：13
Conditioner: 6.9
Monotail: 2.1×2
Bedz: 54+10
水: 2.5
Total: 128.4 Ringgit

脫貧之旅

原沒有計劃這個Rota去旅行，但近日收到消息，好大機會轉到工，人工高了不少，所以便想去慶祝一下，多用一點錢都沒所謂。

而且，想去沙巴行神山已久，便一嘗宿願。

由決定去沙巴至到上飛機的那天，不出十日，最初以為買張機票過到去才算，豈知上神山是預定山上的宿位，否則不能上山。根據網上記載，由於宿位有限，要早半年預定才有位，有的更說要9個月……我當然唔信邪，send個email給山上宿位的管理公司Sutera Sanctuary Lodges問上一問，丫，得到答覆是有位！這個定好後，便再定AirAsia機票及去HostelWorld定住宿，好的hostel的平價宿位都幾緊張，幾日行程中不能住死一間，要定兩間。

同事問我去那，我說去沙巴；再問幾多人去，我說一個人。個個人便對我一個人去旅行好奇怪。我亦不想解釋那麼多，反正他們未試過那會明白。香港人就是這樣，好怕悶，好怕獨處，做什麼事都要人陪。一個人去旅行，可以很自由，更重要是能訓練出common sence、求生技能、認識自己及世界。我當然試過一大班人去旅行，只不過柴娃娃的飲飲食食，拍拍照到此一遊，嘻嘻哈哈又一天，去了那裡都唔係好記得。這又是另一個玩法，都有好玩之處。但好多香港人只懂這種玩法，獲得的趣味少好多呢，可惜呀。

05.05.2009 沙巴去！
06.05.2009 登山去！
07.05.2009 觀日去！
08.05.2009 潛水去！
09.05.2009 激流去！
10.05.2009 回家去…
脫貧之旅‧後記