Posted by 蒼雲 on 六月 28, 2009
7點起身，先去皇宮附近的餐廳，食過早餐，再入皇宮，我著背心，售票員話唔入得，惟有買件T-shirt。
皇宮沒什麼特別，都是一些柬式建築，有d文物，個銀塔一d都唔銀，還以為是石屎做。
行左2粒鐘，坐Tuk Tuk去監獄Munsum，看得令人心寒與心痛，身為專業的救護員，點落得手去折磨人？
又行左2粒鐘，好多文字，不太夠時間看。行返去Spring GH，行左20mins右左便到，收捨，Check-out，Reception話我張20蚊紙爛，唔收，一係收手續費，又唔扣Desposit，可怒也，唔老實。
之後去隔離之漁人碼頭食星米，跟住便坐Tuk Tuk 去機場。
兩點半左右ARA，飛機Delay左一個鐘，5點半先入閘，去到KK都已經2030，食埋?，Old Town快餐，去Tune Hotel安頓。嘩，間房細到丫，約8′x8′+Restroom，仲要是Double Bed，早休吧，明天回港
小計：
早餐：8
皇宮：6.25*2
T-shirt：2
Tuk Tuk：1
監獄munsum：2
Lunch：3+4+1.5=8.5
Tuk Tuk to Airport：4
Old Town Dinner: 19.6
發表於 東奔西跑 - 全球競走記錄, 紅色高棉 | Leave a Comment »
Posted by 蒼雲 on 六月 27, 2009
7點起身，0730食老早，8點幾車先到，以為坐這車直去PP，原來是要轉車，8點9左右開車，停過2個地方，我過了一個類似熱狗的東西放進口裡，成3點才到PP
下車，再坐Tuk Tuk去Spring，安頓好再出去，行去National Mumsum，路經車仔面檔，便坐下整返碗。
National Mumsum看過，$3個還可以，跟住去河邊坐坐，之後慢步搵嘢食，食完便回。
小計：
熱狗：1
Tuk Tuk :1
Cold Drink: 1800
面：5000
National Mumsum: 6
Dinner: 12.2
發表於 東奔西跑 - 全球競走記錄, 紅色高棉 | Leave a Comment »
Posted by 蒼雲 on 六月 26, 2009
約好了老闆的親信司機，當地時間0500出車去Angkor Wat看日出，與高山日出不同，另有一種味道，但點解個太陽唔係正東，係東北，唔通我的指南針有問題或是這地方的磁場有咩特別之處？
坐Tuk Tuk回去GH食老早，休息一下，0900再起行，今日走大圈：Kravan->Banteay Kdei & Sra Sang-> Eastern Meborn食lunch，食到1400再踩，Ta Som -> Preah Neak Pean。
Kravan：
Banteay Kdei & Sra Sang：皇家浴場，有個聾啞人士同我地搭訕，但不明所以。留言買左10隻竹手鐲都係USD$1。又飲下汽水，又同個靚仔影相。
Eastern Meborn：冇水的東池，食Lunch，都係果d面，但冇乜鑊氣。又見到那個聾啞人士，好奇怪，不知?來頭，以為想我地請佢做導遊，又唔似，佢仲送左2幅佢畫的畫給我，我地回敬返兩個香港coin俾佢。
Ta Som:
最後是Preah Neak Pean劍聖寺:有幾個美國來的考察團，跟佢地行左一陣，下?。好彩之後停左，一直踏返出去Angkor Wat, 正是日落時分，天氣很好，今日上巴肯山應該看到日落的，可惜呢。返回到Angkor Wat前，坐左一陣，看下天邊的一?餘輝。我同留言講，這個地方，可能一世都唔會再黎，要好好珍惜，好好欣賞，好好感受，好好記住。
其間飲左2 can cole。
返出去SP, 又去Pub Street食，$11，d蝦梅的！回到GH，問老闆Bun Kao咩意思，佢話係自己個名……
明天就離開了找數，全部$58包2張車票，有d博蒙之嫌，計我2日單車錢？！明明送一日嘛！
買手信，係d手鐲仔，$1 10隻。我買左d信封+簿：4.7，見佢係慈善組織，貴d都算。回去時走錯路，嚇死留言。
小計：
早車：5
Lunch: 3
Cole: 4000
Dinner: 11
GH+Bus Ticket: 58
手信：1+4.7
發表於 東奔西跑 - 全球競走記錄, 紅色高棉 | Leave a Comment »
Posted by 蒼雲 on 六月 25, 2009
一早0700起身食老早，想早D出門放昨天定好行程的的士司機，因為我覺得佢好唔老實，笑裡藏刀。但佢早到，走唔切，咁我地就扮哂?話出去買D?，再走去問外面d Tuk Tuk司機，看上去那個司機都幾老實，$27成交。
坐Tuk Tuk其實幾舒服，有d生風吹下，一d都唔熱。
先去ks，ks要行1500m的山路，不難行，並遇上一個香港人，但沒太多交流。去到終點，看水中浮雕，以為地方好大，有好多浮雕，可惜是相反。停留了不太耐，便下山，食d嘢休息下先。又係d炒面。
再去bs(女王宮)，天氣實在太熱，又整返兩can可樂先。bs手工精細，真是一絕，但真係唔知文化背景，唔識睇。
跟住再去preperp。
然後是Ta Prohom，那處是特別，到處都是老樹盤根的生在古寺之上。
差唔時間，來到巴肯山睇日落。只行15mins便上了山，邊個話要行4粒鐘？！好彩冇騎象，騎一騎要成USD25。1700到了山頂，一直等，雖然已經5點幾，但仲好熱。等了又等。可惜多雲，看不到日落便回。
叫司機車我地去Bar Street，可以食貴d食好d，但可能停力短缺，始終是落後國家，坐坐下停了電跳左灰屎，開返燈但冇開風扇。?係幾好食，但好熱，難為隔離?的一群西人仲玩得咁開心。原說行路返去，但留言謝謝地，還是坐Tuk Tuk回去，休息，明天看日出。
小計：
Tuk Tuk: 27
Cole x 2: 4000
Lunch: 4
Dinner: 8.5
Tuk Tuk: 1
發表於 東奔西跑 - 全球競走記錄, 紅色高棉 | Leave a Comment »
Posted by 蒼雲 on 六月 24, 2009
0300起身坐的士趕去機場坐Skybus，困然滿街也是的士。凌晨關係，巴士0405起跑，0515便到了機場。先Check-in，再去MarryBrown食老早。當時時間0503到了Siem Reap(有一個小時時差)，好特別的一個機場，唔似一個貧窮小國。落機，做visa；網上說做visa要俾黑錢通融下，但沒有這事。我同留言2張visa要USD$40，我俾張百元大鈔都不算過份，但他們將那張銀紙驗屍咁驗，又唔肯收，又問我有冇第2張，我當然死都話冇啦，話全部都係100紙，咁佢都吹我唔脹。出得機場，原來是有GH的人接的，後來才知道是他們搞錯了時間，以為是PM！使我浪費了$7坐的士，咁我就同老闆講，free我地一日單車啦。
個的士司機係咁sale行程，我不以為然，但留言就理佢，到了GH，仲死纏爛打，勉強答應了$40的行程。
租了單車，出去食個Lunch先，看Lonely Planet介紹，附近有間嘢好似幾好，但去到原來冇人，燈都未開，是旦啦，點了兩個炒飯，胡亂吃了算，趕緊入吳哥。
開始踩單車入Angkor約1230，踏左15mins，有人截停了我們，原來已經到了Ticket Office，這個時段冇人，俾錢、影相、做證，很快做妥。再踩多15mins便到了吳可之南面，留言已經嘩嘩聲。ok，一日遊開始(Angkor Wat->Bayon->皇宮->Victory Gate->回SP)，先去Angkor Wat，正值正午時間，哂到丫，又熱又焗，感覺到有點熱衰竭；留言哂到面都紅哂，我都熱衰竭，我擔心佢頂唔順呀，惟有慢慢行。Angkor Wat好大，行左好耐，出來時買左罐可樂解暑急叉。狀態好好多。
跟著去巴戎寺Bayon，古時有53座塔，塔上有不同造型的4面佛面，但現時只剩返廿幾座。
跟著來到皇宮，已經很破爛，都是四處走走。
回航路上，經過東邊的Victory Gate勝利門，很宏偉的一個城門，與中國的很不一樣。天開始黑了，一股惱兒的踩返去SP，吳哥路、蟬鳴、日落，踩得很享受。
返到SP已1930，根據地圖，找了一會，去到Central Market大排檔食1蚊碟的Needle，又平又夠鑊氣又好食，食完面，去對面的便利店買雪糕食，都幾貴，可能是舶來品。跟住踩返GH休息。
回到GH，諗諗下唔多順氣，明天早D起身，放個的士司機飛機。
留言被騙記：佢在Angkor Wat入口對面買了左支水，但佢講我知用左20000！唔係化，返去理論，小販當然唔認，我有證據都吹佢唔脹，冇符。留言真係蠢，身在異域，一D危機感都冇，的士司機係咁，買支水都係咁。完全冇求生技能+冇Common Sense，又易信人，唉，點搞呀！係小吳哥買左支1.5L水+Cole$1.5。Bayon休息時又整左罐可樂(4000 for 2 Cole)
小計：
Skybus: 9*2
Breakfast: 6.8+8.3
Visa: 20*2
Taxi: 7
Lunch: 10
3 days Ticket: 40*2
Drink: 1.5+4000
Dinner: 3
買雪糕: 11500
發表於 東奔西跑 - 全球競走記錄, 紅色高棉 | Leave a Comment »
Posted by 蒼雲 on 六月 23, 2009
0918左右出動，1010左右到了機場。嘩，第一次見到留言個男友Alex俊，收收埋埋呀下。我地先去Terminal 2 check-in。留言未食老早，T2好荒蕪，冇嘢食，只好走返去T1。時間都差不多，入左閘留言先買外賣粥食，去到登機閘口，悠然坐下食粥，看著同機的人上機上得七七八八，但留言還未食完，只好打包，上機再食。
我倆入閘後，閘門馬上關了，我們是最後兩個入閘。
坐到去KL已是1503，拾埋行李出到去已經4點，KL有幾款鐵路，我地坐的不是地鐵，而是坐Monotail。去到sentral站，見到旁邊有間GH，似是印度人開的，上去看看，一來房間除左一張床外，乜都冇，二來房間有陣味，唔得。那便按原定計劃，去找Bedz GH。
到達 已6點，房間很不錯，乾淨安全有冷氣。放下行李後，行去Twin Tower看一下，太晚了，已經不能上去。而且肚餓了，留言話在這食嘢，但沒什麼選擇，食Burdger King，都好飽。之後再到周圍看看便回。返到Bedz附近，好似很旺的樣子，而且看到又有串燒食，便嘗下，叫了5串牛5串羊+2杯桔仔水。
留言冇帶Conditioner，過去Bedz對面7仔買。
回到Bedz前，有班西人飲得大大地，叫我地一齊同佢影相，三唔識七，港人一定唔會咁做。
早睡早起，明天早機。
小計：
Aerobus: 8×2=16
Burdger King: 10.9×2
串燒+桔仔水：13
Conditioner: 6.9
Monotail: 2.1×2
Bedz: 54+10
水: 2.5
Total: 128.4 Ringgit
發表於 東奔西跑 - 全球競走記錄, 紅色高棉 | Leave a Comment »
Posted by 蒼雲 on 五月 19, 2009
走在KK街中，感覺好舒服，沒有香港的急速；汽車會先讓行人，很少夜生活，只有幾間酒吧；一般人們都很友善，沒有中國大陸的冷漠與兇悍；接觸過的華人女仔好溫柔，終於明白舅父點解會娶左怡姐做老婆，唔揀香港人。
神山可以說難行，又可以說不難行。難行在於4.5hrs的不停的上高梯級，隨時行到四頭肌抽筋，近山頂開始空氣稀薄，上山比較索氣，而且都幾斜，搵個量角器在一d相片上度下，起碼20度，相信在一d更斜路段會可達30度(香港最斜的街道只有1:4，即約15度，如正街)。行唔慣或細膽d都幾惡搞；不難行在於路程不算長，單程不過是8.5km到頂，休息點又多。如果有做開運動操開山，又唔似我孭咁多嘢，又唔影相係咁爆上去，又食得飽飽，3粒鐘應該冇問題。
行山過程中看到人帶上2支行山杖，我去旅行為左減少負擔，都不會帶行山竹，但在香港行一d遠程路線，便會用行山竹，但都是一支咁大把。行山竹看似好用，輔助雙腳、幫助平衡什麼的是有，但有時都幾不方便，靈活性會大大降低。行山時雙手好有用架，有時可以拿相機，有時可以拿水拿食物，如果拿2支行山竹有時都幾論盡。而且，有氣有力行山時有2支篤篤，我都試過，係好過癮，但當行有筋疲力盡時，就會發覺雙手唔想拿任何嘢，有力都留返俾雙腳啦！所以有時d嘢，唔知就俾佢嚇死，知就俾佢笑死。
因為太耐冇行山，平時又只係跑得果10km唔夠，雙腳d肌肉足足痛左10日……有幾日真係怕左樓梯……
神山每年都有個跑山比賽，要2.5hrs內上到頂，再2hrs內返到HQ，最快記錄係2hrs36mins……跑平路跑順都唔係太用力，但跑山下下都硬食喎……我行都腳軟，點跑……唔得，練下先。
回到香港，把一對香港人留在沙巴旅館的香港圖書，放入了圖書館的還書箱，兩個毫不相識的人，因某一些巧合，在生命路上，在地球上某一個地方，但在不同的時間中，有一丁點的交叉、相遇上，感覺都幾浪漫！
打開電腦，把相片scan了(冇錯，我還是用菲林機)，並揀出幾張send給那一對潛水時認識的小情侶。很高興認識到這兩個人，還交換了facebook呢。
發表於 東奔西跑 - 全球競走記錄, 高山陽光與海水@沙巴 | Leave a Comment »
Posted by 蒼雲 on 五月 10, 2009
準時0445起床，看看樓下，發現有架的士等緊，hostel真係有做嘢呀下。但時間尚早，我還是慢慢來，0515下樓，希望冇漏嘢啦。原來的士司機仲有下單生意，真係唔好意思，0530已經到了機場。呢程貴呀，收我RM30，不過算啦，又係call車又係凌晨時分。
機場一隅
到了機場，還是好早，便周圍走走，但機場很細，冇咩好行。過了6點鐘，便收拾下行裝，去排隊check-in，入左閘，買手信，都係d香口嘢，局班人鐘意呢d嘢嘛。
上到飛機，看看機上並不滿坐，AirAisa會唔會拾呢……我個row就冇人，咁我就坐去窗口位，欣賞下外面景色。
下面就是kk市中心
遠處的就是神山，我曾經走到上去山頂睇日出
眼看機上好多大陸人，而當我去廁所時，看見廁板上有腳印……國家進步之路還遠呀，有點來生不做中國人之感。
喉嚨痛又好口乾，有點感冒徵狀，唔係係豬流感下話。機上買了支水，350ml要RM4。
入境要填健康申，有D唔舒服都填咩事都冇，如果唔係分分鐘入麥理浩住返一個星期。哈哈，如果咁就傳入豬流感，就千古罪人喇。
0950 landing，去到澳門，又周圍走走，果然可以坐發財車就可以四圍去，的士業真係多得佢唔少。
威尼斯人
先去威尼斯人，好靚，但好假，全無感覺。有生以來第一次入賭場，比我想像中華麗，及沒有預期中的烏煙瘴氣，亦不是很多人，好多賭枱都空空的。
賭場中很多大陸人，d工作人員還跟我說普通話……d大陸人好有錢，一張張千元大鈔去賭，半點沒有羨慕之意，感覺好銅臭、好反感討厭……朱門酒肉臭，路有凍死骨。
跟住去港澳碼頭，攞張地圖。再行去新馬路那邊，一來幾遠下，二來孭住個大背囊，三來呢幾日都玩得好攰，都行得幾辛苦。
20年冇黎大三巴，以前的印象已很模糊，留下的只有枱前相架中的站在大三巴前的童年照。另外又去了一些教堂什麼的走了一圈，影下相。今天是星期日，原來澳門亦會賣旗，有個學生走過來跟我賣，便給了3元。
肚子餓，去買左個豬排包和葡撻，行到下午三、四鐘，便去返港澳碼頭坐船返尖咀回家。
今日小計
的士：RM30
手信：RM23
機上水：RM4
豬排包：HKD12
葡撻：HKD7
船票：HKD155
買旗：HKD3
總計(HKD)
機票：1563.6
Mt. Kinabalu：1024.95
Hostel Deposit and Charge：20.39+29.79
兌換：2400
船票：134+155
澳門使費：22
= HKD5349.73 (用淨RM5.1)
發表於 東奔西跑 - 全球競走記錄, 高山陽光與海水@沙巴 | Leave a Comment »
Posted by 蒼雲 on 五月 9, 2009
最後一天的行程，以為又會遇到同香港那一對情侶，但原來他們玩的湍急度是1-2級的，而我玩的是3-4級的。
0809己經有車來接，是Toyota貨van改成的7人車，3 pairs + 我。1 pair是英國男女、1 pair是一個新加坡女仔+一個德國男人、1 pair是2個新加坡女仔。
車中領隊派發食物盒，有支水、有件炸雞、2排朱古力、1條黑蕉。
不知名高地
車子途經Toilet stop，是間小士多，旁邊有個廁所。到達一個不知名的高地，豁然開朗，有1240m。
到了個更衣的地方，要在此先換好衫，準備rafting。旁邊有間消防局，設備好似不太先進。
約12點，到達trolley起點。原來車子最多只能去到離激流的起點7km的地方，跟住便要坐成粒鐘的木板車才可到激流的起點。好玩囉，越礦飛車咁，落斜都幾快架。不過就耐左d，坐到屁股痛。
越礦飛車準備中
坐在木板車上
去到trolley終點，等埋他們人，約六、七十人，便聽下briefing，學下各種rafting的基本技巧。揀埋頭盔和救生衣，便去渡頭登艇。約2點出發。
Body Rafting
Rafting - rapid
玩得好過癮，開始冇耐便自己跳左落水玩body rafting，雖然d水好黃，大嗌時又飲左幾口黃水，但都玩得好開心。美中不足的是相機冇電又冇ram，可惜呀。玩左粒幾鐘，3點幾上岸食lunch。約4點又黎過第2個rafting！乜有2個rafting？有so喎！
呢次我坐頭位，更加刺激，而且又和另一艇(相信是香港人，因是講廣東話的)大戰幾回合，又玩Capsize，好玩到丫。玩水真係冇分大細，細個時又玩，大個以為唔會再玩，點知一樣咁好玩。
回程時人坐百年古老火車，好似奪寶奇兵同mummy果d咁，是可以伸半個身出去的那種，我就推門車門看出去，咁都冇人理，火車開左差唔多一粒鐘，又到了一個不知名的車站；跟住便換衫，並有轉車送到你返酒店，這個rafting真是值得推介。
古老的火車，實物殘d
古老火車
2030回到kk，在當地已經算夜了，很多地方都冇嘢食，晚飯又食新記骨肉茶。可能呢幾日體力付出太大，扺抗力差左，喉嚨痛，去7仔買左包喉糖頂住先。
明天早機，跟hostel d人說了要的士，要準時起身……但今晚冇冷氣房呀，好彩今晚瞓的位置食到把風扇，而且今晚冇咁熱。
今日小計
Rafting Package：RM230
廁所 x 2：RM0.2 x 2
新記骨肉茶：RM12.5
喉糖：RM4.3
發表於 東奔西跑 - 全球競走記錄, 高山陽光與海水@沙巴 | Leave a Comment »
